“Ипак йўли дурдонаси” XV Тошкент халқаро кинофестивали доирасида Голливуд юлдузи Кевин Спейси Ўзбекистонга ташриф буюргани тўғрисида хабар берилганди. New York Post’нинг ёзишича, америкалик актёр юрак хуружи гумони билан Тошкентдаги шифохонага ётқизилган.
Қайд этилишича, Кевин Спейси кинофестивалда чап қўли ишламай қолгани туфайли зудлик билан шифохонага ётқизилган. Икки карра “Оскар” соҳибида юрак хуружи гумонланган, бироқ МРТ текширувларидан кейин бу ўз тасдиғини топмаган ва шифокорлар унинг саломатлиги жойида эканини маълум қилган.
Кечга бориб, у фестиваль саҳнасида кўриниш берган ва йиғилганларга соғлиғи “яхши” эканини айтган. “Бу воқеа ҳаёт ҳар биримиз учун қанчалик нозик экани ҳақида ўйлаб қолишимга сабаб бўлди”, — деган Спейси.
Спейси замонамизнинг машҳур актёрларидан бири. У “Америкача гўзаллик” фильмидаги роли учун, шунингдек, “Гумондор шахс” фильми учун “Оскар” мукофотини қўлга киритган.
Кевин Спейси, шунингдек, АҚШ актёрлари гилдияси, BAFTA, Олтин глобус ва Toni мукофотлари билан тақдирланган. Унинг House of cards, “Ка-Пекс сайёраси”, “Лос-Анжелес сири”, “Музокарачи”, “Девид Гейлнинг ҳаёти”, “Етти” ва энг яхши кинолари қаторига киради.
Изоҳ (0)