Япониянинг Фукусима-1 атом электр станцияси оператори Tokyo Electric Power Company (ТEPCО) энергетика компанияси АЭСдан океанга радиоактивли сувнинг иккинчи партиясини оқизишни бошлади. Бу ҳақда NHK телеканали ТEPCО баёнотига таяниб, хабар берди.
Компания 17 кун давомида океанга 7,8 минг тоннага яқин тозаланган сувни (жами ўнта резервуар) чиқаришни режалаштирмоқда. Тўкилишдан аввал сув денгиз суви билан аралаштирилади — АЭСдаги бир тонна сувга 1,2 тонна денгиз суви қўшилади.
Фукусима АЭС сувининг биринчи партиясини океанга тўкиш 24 августда бошланганди.
Хитой Фукусима АЭСдаги сувни океанга тўкишга қарши
2011 йилдаги зилзила ва сунами оқибатида юзага келган авариядан сўнг Фукусима АЭС ҳудудида шикастланган реакторларни совитишда фойдаланиладиган 1 000 дан ортиқ сув резервуарлари тўпланиб қолган, бу тахминан 1,3 миллион куб метр сувни ташкил этади. Япония расмийларига кўра, 2024 йил бошида барча резервуарлар тўлиб бўлади.
Уларда сақланадиган сув яхшилаб тозаланган, аммо унда ҳали ҳам водороднинг радиоактив изотопи — тритий бор, бу модда изсиз йўқолиб кетмайди. Япония ҳукумати бу сувни денгизга тўкиш зарурлигини айтиб, бу дунёнинг бошқа атом электр станцияларида ҳам одатий ҳол эканини таъкидламоқда.
Хитой АЭСдаги сувни океанга тўкишга қатъиян қарши. Хитой элчиси бу дастурни нотўғри деб атади ҳамда Япония дастурни тўхтатиб, биринчи навбатда қўшни давлатлар билан маслаҳатлашувлар ўтказиши кераклигини айтди. 4 июль куни Атом энергияси бўйича халқаро агентлик (МАGATE) раҳбари Рафаэл Гросси Японияга ташриф буюрди ва сувни океанга тўкиш қарорини маъқуллади. Унинг таъкидлашича, оқинди сув сифатига, балиқларга ва яқин атрофдаги манзилгоҳларга катта таъсир қилмайди.
Август охирида Япония бош вазири Фумио Кисида ва бир қанча вазирлар Фукусима АЭСдаги сув океанга тўкилгандан кейин тутилган балиқни омма олдида истеъмол қилди.
Изоҳ (0)