АҚШ президенти Жо Байден Украина президенти Владимир Зеленский билан учрашувда Украина томони сўраган ҳамма нарсани “ўрганиб чиққанини” айтди. Байден бу ҳақда журналистларнинг у Украинага ATACMS ракеталарини етказиб беришни ваъда қилган-қилмагани ҳақидаги саволга жавобан айтди.
“Мен Зеленский билан гаплашдим ва биз у сўраган ҳамма нарсани батафсил ўрганиб чиқдик”, — деди Байден Оқ уй матбуот хизмати томонидан эфирга узатилган нутқида.https://twitter.com/TPostMillennial/status/1709623523176485099
Журналистлар билан ўтган учрашувда Жо Байден Украинани молиявий қўллаб-қувватлаш ҳақида катта нутқ сўзлаш режасини эълон қилди.
2022 йилдан бери Украина расмийлари АҚШдан 300 километргача масофага учувчи ATACMS узоқ масофали ракеталарини Украина ҳарбийларига топширишни сўрамоқда. 2023 йил сентябрда Байден ва Зеленский ўртасидаги учрашувдан сўнг Америка ОАВ АҚШ президенти Украинага кассетали ўқ-дорилар билан бир қатор ATACMS ракеталарини етказиб беришга қарор қилгани, бироқ бу ҳақда оммага эълон қилмаётгани ҳақида хабар берди. 3-октябр куни АҚШ армияси Байден маъқуллаган заҳоти ATACMS’ларни Украинага юборишга тайёрлигини билдирди.
Ўтган ҳафта АҚШ Конгресси Украинага ҳарбий ёрдам учун сарфланадиган харажатларни ўз ичига олмайдиган вақтинчалик бюджетни қабул қилди, натижада АҚШ ҳукумати ходимларининг иши давом этадиган бўлди. Жо Байден ва Сенат аъзолари Украинага ҳарбий ёрдам беришда давом этишга ишонтиришди.
Изоҳ (0)