Норвегиялик ёзувчи Ён Фоссе 2023 йилги адабиёт бўйича Нобель мукофотини қўлга киритди.
Нобель қўмитасининг пресс-релизида мукофот унга “таърифлаш қийин бўлган туйғуларни ифодаловчи инновацион песалари ва насри учун” берилгани айтилган.
2022 йилда француз ёзувчиси Энни Эрно адабиёт бўйича Нобель мукофотига сазовор бўлганди. 2021 йилги адабиёт мукофоти эса танзаниялик ёзувчи Абдулразоқ Гурнага насиб қилган.
Бир кун аввал кимё бўйича Нобель мукофоти квант нуқталарини кашф этгани ва синтез қилгани учун Мунги Бавенди, Луис Брус ва Алексей Экимовларга топширилганди.
Физика бўйича бу йилги Нобель мукофоти эса Пьер Агостини, Ференц Крауз ва Анн ЛъЮилега “моддадаги электронлар динамикасини ўрганиш учун аттосекундлик ёруғлик импулсларини яратишнинг экспериментал усуллари учун” тақдим қилинди.
Тиббиёт ва физиология бўйича мукофотни Каталин Карико ва Дрю Вайсман COVID-19 га қарши мРНК вакциналарини яратишга олиб келган тадқиқотлари учун олишди.
6-октябрь, жума куни тинчлик бўйича Нобель мукофоти лауреати эълон қилинади.
Ғолибларга мукофотлар 10 декабрь куни Стокгольмда бўлиб ўтадиган расмий маросимда топширилади.
Изоҳ (0)