Tibbiyot bo‘yicha 2023-yilgi Nobel mukofoti sovrindorlari e’lon qilindi

Stokgolmda tibbiyot va fiziologiya bo‘yicha Nobel mukofoti laureatlari e’lon qilindi.

2023-yilgi mukofot vengriyalik Katalin Kariko va amerikalik Dryu Vaysmanga “COVID-19 ga qarshi samarali mRNK vaksinalarini ishlab chiqishga imkon bergan nukleozid bazasi modifikatsiyalari haqidagi kashfiyotlar uchun” berildi.

Tibbiyot va fiziologiya bo‘yicha mukofot an’anaviy tarzda Nobel haftaligini ochib beradi. 3-oktyabr kuni fizika bo‘yicha, 4-oktyabrda kimyo, 5-oktyabrda adabiyot, 6-oktyabr kuni Osloda tinchlik bo‘yicha Nobel mukofoti laureatlari nomi e’lon qilinadi.

Shvetsiya banki tomonidan 1968-yilda ta’sis etilgan Alfred Nobel mukofotining iqtisod bo‘yicha sovrindori nomi 9-oktyabr kuni e’lon qilinadi.

2022-yilda fiziologiya yoki tibbiyot bo‘yicha Nobel mukofoti paleogenetika sohasida ishlaydigan Svante Paboga berilgandi.