5-октябр куни эрталаб Япония Метеорология агентлиги Тинч океанининг ғарбий қисмида содир бўлган 6,6 магнитудали зилзиладан кейин цунами хавфи ҳақида огоҳлантирди. Агентлик Изу занжиридаги ороллар соҳилида тўлқинлар 1 метргача кўтарилишини прогноз қилди.
Баландлиги 0,2 метргача бўлган тўлқинлар шарқдаги Тиба префектурасидан ғарбдаги Кагосима префектурасигача чўзилган ҳудудга етиб бориши тахмин қилинмоқда, деб хабар берди Тhе Japan Times.
Зилзила соат 11:00 да (Тошкент вақти билан 07:00) Изу ороллари занжиридаги Торисима яқинида 10 километр чуқурликда содир бўлган.
Соҳилбўйи ҳудудларида ва дарёлар яқинида яшовчи одамларга баландроқ ерга чиқиш тавсия этилмоқда.
- Непал ғарбида 3-октябр куни 6,3 ва 5,3 магнитудали иккита зилзила содир бўлганди. Оқибатда 17 киши жароҳатланган.
- 9-сентябр куни кечқурун Марокашда 6,8 магнитудали зилзила содир бўлди. Олис тоғли ҳудудларда бутун қишлоқлар вайрон бўлгани хабар қилинди. Зилзила қурбонлари сони икки мингдан ошиб кетди.
- Ўзбекистон президенти зилзила қурбонларига таъзия йўллади.
Изоҳ (0)