Грузиянинг Гурия вилоятидаги Шекветили курортида кўприк қулаб тушди. Оқибатда Натанеби дарёси бўйлаб ҳаракатланиш чекланган. Бу ҳақида “Рустави 2” телекомпанияси маълум қилди.
Воқеа бугун, 3-октябр куни тушдан кейин содир бўлган. Ҳодиса жойига патрул полиция отрядлари сафарбар қилинган. Ҳудуд ўраб олинган. Транспорт воситалари айланма йўлга йўналтирилмоқда.
Гурияда кучли ёғингарчилик икки кундан бери давом этмоқда. Озургети вилояти аҳолиси Бжужа дарёсининг қирғоқларидан тошиб кетишидан азият чекди. Турар-жой биноларининг биринчи қаватлари, томорқа майдонлари, кўчалар сув остида қолган.
Маҳаллий ҳокимият органлари ҳозирда табиий офат натижасида етказилган зарарни баҳоламоқда.
Изоҳ (0)