Россия президенти Владимир Путин Украинага қарши урушда янги стратегияга эга. Бу ҳақда Тhе News York Times хабар берди.
Хабарга кўра, Россия президенти россияпараст сиёсий партияларни тарғиб қилиш ва янги технологиялардан фойдаланган ҳолда АҚШ ва Европанинг Украинани қўллаб-қувватлашига путур етказмоқчи.
Россия АҚШ ва Европа Украинага ҳарбий ва иқтисодий ёрдам беришда бирдамлигидан ҳафсаласи пир бўлгани айтилмоқда.
Аммо Путин Украинани қўллаб-қувватлашни сусайтириш ва жанг майдонида ўз устунлигини қайтариш учун АҚШ сиёсатига таъсир қилиши мумкин, деб ҳисоблайди.
Таъкидланишича, Кремль Европадаги россияпараст номзодларни қўллаб-қувватлашга ҳаракат қилиши мумкин, мисол учун россияпараст номзод Роберт Фико 1-октябр куни Словакияда бўлиб ўтган парламент сайловларида ғалаба қозонди. У Украинага ҳарбий ёрдамни тўхтатишга ваъда берганди.
АҚШ расмийларига кўра, Россия мунтазам равишда НАТО ва АҚШ сиёсатини қоралашга қаратилган ахборот операцияларини олиб боради ва келгуси ойларда бу саъй-ҳаракатларни кучайтириши мумкин.
Путиннинг пировард мақсади Украинапараст номзодларга путур етказиш ва АҚШ сиёсатини ўзгартириш.
Баъзи америкалик расмийлар Россиянинг муваффақиятига шубҳа қилмоқда, аммо Кремль АҚШдаги сайловнинг якуний натижасига таъсир ўтказа олмаса ҳам, ҳеч бўлмаганда Украинага ҳарбий ёрдам кўрсатиш бўйича баҳс-мунозараларни келтириб чиқаради.
Изоҳ (0)