Украина энергетика расмийлари Россиянинг жорий куз ва қишда электр станцияларига ҳужумлари такрорланиши эҳтимолидан хавотирда эканини маълум қилди. Бу ҳақда Тҳе Economist хабар берди.
Анонимлик шарт билан айрим расмийлар ҳатто бу сафар вазият 2022 йилгидан ҳам ёмонроқ бўлишини кутмоқда. Ўтган мавсумда Украина энергетика сектори ортиқча энергия қуввати туфайли тезда манёвр қилиш имконига эга бўлди. Бунга энергия тақсимлаш қувватининг катта қисми модернизация қилингани ва олиб ташланган эски жиҳозлар омборларда сақлангани, улар вайрон қилинган ускуналар билан алмаштирилиши ҳам ёрдам берди.
Ҳозирда Украина электр станциялари қўшимча равишда қум “бастионлар” билан ҳимояланган, бу эса ускунани ракета қолдиқларидан ҳимоя қилиши керак. Аммо тўғридан тўғри зарба бўлса, бу ёрдам бермайди. Энергетика мутахассисларининг таъкидлашича, юқори волтли трансформаторлар ҳаддан ташқари қизиб кетгани сабабли уларни бетон қопламалар билан қоплаш мумкин эмас.
Иттифоқчиларнинг молиявий ва техник ёрдами туфайли украиналик муҳандислар қиш олдидан таъмирлаш учун кеча-ю кундуз ишлади.
100 та янги юқори волтли трансформаторларга буюртма берилди, уларнинг ярми Украинада, ярми хорижда сотиб олинган. Украина захира трансформаторларнинг бир қисмини Польша ва Руминияда сақлайди, шунда улар зарурат туғилмагунча хавфсиз бўлади.
Украина энергетика вазири Герман Галушенконинг айтишича, мамлакат энергетика тизимига янги ҳужумга тайёрланмоқда, бироқ ортиқча қувват ва кам захира туфайли уларни ҳимоя қилиш анча қийин.
Урушдан олдинги даврдаги муҳим янгиликлардан бири шундаки, Украина энди Европа тармоғига уланган, шунинг учун зарурат туғилганда электр энергиясини импорт қилиши мумкин.
Изоҳ (0)