Англия Лига Кубоги. “Манчестер Юнайтед” “Кристал Пэлас”ни йирик ҳисобда мағлуб этиб, кейинги босқичга йўл олди

Футбол бўйича Англия Лига Кубогининг 3-босқичида “Манчестер Юнайтед” 26 сентябрь, сешанба куни “Кристал Пэлас”га қарши баҳс олиб борди.

Учрашувнинг 21-дақиқасида Алехандро Гарначо ҳисобни очди. Орадан 6 дақиқа ўтиб, Каземиро ҳисобни ишончли кўринишга олиб келди. Биринчи бўлимда бошқа гол урилмади.

Иккинчи бўлим ҳам манкунианликларнинг устунли остида ўтди. 55-дақиқада Антони Марсял рақиб дарвозасига учинчи голни урди. Қолган дақиқаларда дарвозалар дахлсизлиги сақланиб қолди ва “қизил иблислар” ғалабани расмийлаштирди. 

Шу тариқа “Манчестер Юнайтед” кейинги босқичга йўл олди.

Англия Лига Кубоги

3-босқич

26 сентябрь, сешанба

“Манчестер Юнайтед” — “Кристал Пэлас” 3:0

Голлар: 1:0 – 21 Гарначо, 2:0 – 27 Каземиро, 3:0 – 55 Марсял.

“Манчестер Юнайтед”: Онана, Диогу Далот, Варан (Эванс, 61), Магуайр, Амрабат (Гор, 61), Каземиро, Маунт (Линделеф, 46), Пелистри, Межбри (ван де Бек, 71), Гарначо, Марсял (Ҳейлунд, 75).

“Кристал Пэлас”: Ҳендерсон (Жонстон, 19), Клайн, Ҳолдинг, Ричардс, Митчелл, Шлупп (Эзе, 60), Ридевалд (Озо, 80), Дукуре (Хьюз, 60), Рак-Саки (Геҳи, 46), Айю, Матета.

Огоҳлантиришлар: Ҳолдинг (26), Межбри (29).