Angliya Liga Kubogi. “Manchester Yunayted” “Kristal Pelas”ni yirik hisobda mag‘lub etib, keyingi bosqichga yo‘l oldi

Futbol bo‘yicha Angliya Liga Kubogining 3-bosqichida “Manchester Yunayted” 26-sentabr, seshanba kuni “Kristal Pelas”ga qarshi bahs olib bordi.

Uchrashuvning 21-daqiqasida Alexandro Garnacho hisobni ochdi. Oradan 6 daqiqa o‘tib, Kazemiro hisobni ishonchli ko‘rinishga olib keldi. Birinchi bo‘limda boshqa gol urilmadi.

Ikkinchi bo‘lim ham mankunianliklarning ustunli ostida o‘tdi. 55-daqiqada Antoni Marsyal raqib darvozasiga uchinchi golni urdi. Qolgan daqiqalarda darvozalar daxlsizligi saqlanib qoldi va “qizil iblislar” g‘alabani rasmiylashtirdi. 

Shu tariqa “Manchester Yunayted” keyingi bosqichga yo‘l oldi.

Angliya Liga Kubogi

3-bosqich

26-sentabr, seshanba

“Manchester Yunayted” — “Kristal Pelas” 3:0

Gollar: 1:0 – 21 Garnacho, 2:0 – 27 Kazemiro, 3:0 – 55 Marsyal.

“Manchester Yunayted”: Onana, Diogu Dalot, Varan (Evans, 61), Maguayr, Amrabat (Gor, 61), Kazemiro, Maunt (Lindelef, 46), Pelistri, Mejbri (van de Bek, 71), Garnacho, Marsyal (Heylund, 75).

“Kristal Pelas”: Henderson (Jonston, 19), Klayn, Holding, Richards, Mitchell, Shlupp (Eze, 60), Ridevald (Ozo, 80), Dukure (Hyuz, 60), Rak-Saki (Gehi, 46), Ayyu, Mateta.

Ogohlantirishlar: Holding (26), Mejbri (29).