А Серия. “Ювентус” ўз майдонида рақибини минимал ҳисобда мағлуб этди

Футбол бўйича Италия А Сериясининг 6-турида “Ювентус” 26 сентябрь, сешанба куни “Лечче”ни қабул қилди.

Учрашувнинг биринчи бўлимида дарвозалар ишғол этилмади. Иккинчи бўлимда эса туринликлар ҳисобни очди. Аркадиуш Милик 57-дақиқада Фальконе дарвозасини ишғол қилди. Ушбу гол ўйин якунига қадар ягоналигини сақлаб қолди ва Турин клубига ғалаба келтирди.

“Ювентус” ушбу ғалабадан сўнг очколари сонини 13 тага етказиб, 2-ўринга кўтарилиб олди.

А Серия

6-тур баҳси

26 сентябрь, сешанба

“Ювентус” – “Лечче” 1:0

Гол: 1:0 – 57 Милик.

“Ювентус”: Шенсни, Данило, Ругани (Гатти, 72), Бремер, Камбязо (Костич, 72), Маккенни (Веа, 87), Рабьо, Локателли, Фажоли (Миретти, 86), Кьеза, Милик (Влаҳович, 78).

“Лечче”: Фальконе, Венути (Жандре, 63), Баскиротто, Понграчич, Доргу, Блен (Пикколи, 82), Уден (Рафя, 63), Рамадани (Каба, 69), Стрефесса (Сансоне, 63), Алмквист, Крстович.

Огоҳлантиришлар: Ramadaни (30), ДъАверса (56), Рафя (69), Кьеза (76), Каба (85), Крстович (90), Рабьо (90).

Четлатиш: Каба (90).