Бокс бўйича Бутунжаҳон бокс иттифоқи (WBC) 2023 йилнинг ноябрь ойида ташкилотнинг йиллик конвенция сини Тошкент шаҳрида ўтказади.
Марказий Осиё давлатлар ичида илк бор Ўзбекистонда ўтказиладиган нуфузли тадбир 12—17 ноябрь саналарига белгиланган. Тадбирда бокс дунёсининг энг машҳур юлдузлари иштирок этиши кутилмоқда.
Бу ҳақида профессионал бокс бўйича оммавий тадбирларни ташкиллаштириш ва назорат қилиш бўлими бошлиғи Элдормурод Сабиров маълум қилди.
12-дан 17 ноябрга қадар WBC 61-конвенция сини ўтказишни режалаштиряпти.
Ушбу тадбир Тошкентда бўлиб ўтади. Унга Костя Сзю, Эвандер Ҳолифилд, Амир Хон каби бокс юлдузлари, шунингдек, ижтимоий тармоқларда машҳур блогер Абдурозиқ ҳам иштирок этиши тасдиқланган. Ундан ташқари, ҳозирда Майк Тайсон ва яна бошқа бокс юлдузлари билан музокаралар олиб борилмоқда.
17 ноябрь санасида “Ҳумо Арена”да бокс кечаси ҳам ўтказилади. Унда ўзбекистонлик боксчилар Мужибилло Турсунов, Миразизбек Мирзахалиловлар иштирок этади. Шу билан бирга, Марказий Осиё WBC камари учун Анвар Туропов ва Суҳроб Қаюмовлар жанг қилади.
Элдормурод Сабиров, профессионал бокс бўйича оммавий тадбирларни ташкиллаштириш ва назорат қилиш бўлими бошлиғи
Изоҳ (0)