Россия президенти Владимир Путин илк бор Тоғли Қорабоғдаги вазиятга муносабат билдирди. Бу ҳақда “URA.ru” хабар берди.
Унинг сўзларига кўра, Россия тинчликпарвар кучлари тинч аҳолини ҳимоя қилиш ва конфликтни ҳал қилиш учун “ҳамма нарса” қилмоқда.
“Россия тинчликпарвар кучлари тинч аҳолини ҳимоя қилиш учун ҳамма нарса қилмоқда. Биз Ереван, Степанакерт ва Боку расмийлари билан доимий алоқадамиз. Умид қиламизки, деескалацияга эриша оламиз ва муаммони тинч йўналишга ўтказамиз”, — деди Путин Хитой ташқи ишлар вазири Ван И билан учрашувда.
Унинг сўзларига кўра, Россия тинчликпарвар кучларининг асосий базасида аллақачон икки мингдан ортиқ тинч аҳоли ва мингдан ортиқ болалар бор.
Озарбайжон 19 сентябрь куни Тоғли Қорабоғда “аксилтеррор операциясини” бошлади. Бир кун ўтиб Тан олинмаган Тоғли Қорабоғ республикаси (Aрцах) расмийлари ўт очишни тўлиқ тўхтатиш бўйича келишувга эришилганини маълум қилди. Бироқ Россия Мудофаа вазирлиги тинчликпарвар кучлар минтақада ўз фаолиятини давом эттиришини илгари сурди.
Изоҳ (0)