Арманистон ташқи ишлар вазирлиги Озарбайжоннинг Тоғли Қорабоғдаги ҳаракатларини “агрессия” деб атади. Вазирлик ҳудуддаги вазият юзасидан расмий баёнот берди. Бу ҳақда “РИА Новости” хабар берди.
Озарбайжон Мудофаа вазирлиги Қорабоғда конституциявий тузумни тиклаш учун “маҳаллий аксилтеррор чоралари”ни бошлагани ҳақида хабар берди. Бу арман томонининг провокациялари, жумладан, Аҳмадбейли—Фузули—Шуша трассасида автомобиль портлаши оқибатида полиция ходимларининг ҳалок бўлиши билан изоҳланган.
Арманистон Қорабоғда арман армиясининг бўлинмалари йўқлигини бир неча бор таъкидлаган.
“19 сентябрь куни Озарбайжон Тоғли Қорабоғ халқига қарши навбатдаги кенг миқёсли агрессияни уюштирди, этник тозалаш сиёсатини якунлашга интилди. Озарбайжон жазосиз қолиш туйғусидан келиб чиқиб, агрессия учун жавобгарликни очиқчасига ўз зиммасига олди.
Озарбайжон Мудофаа вазирлиги Тоғли Қорабоғда, Россия тинчликпарвар қўшинлари жавобгарлик зонасида ъаксилтеррор чоралариъ бошланганини эълон қилди. Озарбайжон томонининг расмий баёнотига кўра, улар Россия тинчликпарвар кучлари қўмондонлигини, шунингдек, Россия-Туркия мониторинг марказини хабардор қилган”, — дейилади Арманистон ТИВ баёнотида.
Арманистон Ташқи ишлар вазирлиги “Озарбайжоннинг Тоғли Қорабоғга бўлган агрессиясини ва оммавий жиноятни кескин қоралашини” билдирди.
“Бу роппа-роса уч йил аввал, 2020 йилда Тоғли Қорабоғга қарши кенг кўламли куч ишлатишнинг давомидир”, — дея таъкидлади ТИВ.
Вазирлик Озарбайжон “ҳарбий объектларни йўқ қилиш” баҳонасида аҳоли пунктлари, Степанакерт шаҳри ва бошқа шаҳар ва қишлоқларни ўққа тутишини айтди. Озарбайжон Ташқи ишлар вазирлиги аҳоли пунктларини ўққа тутмаётганини таъкидлади.
“Биз халқаро тинчлик ва хавфсизликни таъминлаш учун асосий масъулият юкланган халқаро ҳамкорларга, БМТ хавфсизлик кенгаши аъзоларига, шу жумладан Арманистон, Озарбайжон ва Россия раҳбарларининг 2020 йил 9 ноябрдаги баёнотига мувофиқ Тоғли Қорабоғда жойлашган Россия тинчликпарвар қўшинларига мурожаат қиламиз Озарбайжоннинг агрессиясини тўхтатиш учун аниқ қадамлар қўйсин”, — дейилади баёнотда.