“Меҳридарё” лойиҳасига Тошкент шаҳрида истиқомат қилувчи аёл Зулайҳо Зияева мурожаат қилиб, олти ёшли ўғлини хорижда даволатиш учун халқдан ёрдам сўради.
— Ёлғиз фарзандим Зиёмуҳаммад Хайруллаев туғма йўғон ичак касаллиги билан дунёга келган. Олти ёшига қадар ўғлим 3 маротаба жарроҳлик амалиётини бошдан кечирди. Ҳозирги кунда йўғон ичакда ўсимта ҳам аниқланган. Фарзандим мустақил ҳожатини (ахлатини) чиқаролмайди. Қорни шишиб, иситмаси чиқади.
Тошкентдаги шифокорлар фарзандимни Ҳиндистонга олиб бориб даволатишни маслаҳат беришяпти. Ҳиндистонда клиникалар бу касалликни уч босқичда даволашар экан. Бунинг учун эса биз 10 000 АҚШ доллари миқдорида пул тўлашимиз керак.
Турмуш ўртоғим билан қонуний ажрашганмиз. Ўғлим қатъий диeтага амал қилгани, ҳатто унинг кунлик ратционидаги сув ҳажми ҳам ўлчаб ичилгани учун ўзим ишлолмайман. Оиламизнинг боқувчиси бўлмагани сабабли моддий томондан қийналиб қолдим. Яхши инсонларнинг ёрдами билан ўғлим шу кунгача касалликни енгишга ҳаракат қиляпти.
Умид қиламанки, ўғлимнинг соғайиб кетиши учун яхши инсонлар кўмак беришади. Ўғлим ҳам оддий болалар сингари ўйнаб кулишини, мактабга боришини истайман, — дейди беморнинг онаси Зулайҳо Зияева.
Зиёмуҳаммад Хайруллаевга хайрия қилишни истасангиз,
8600 1306 1991 8990 (Зияева Зулайхо)
Мурожаат учун: +998 90 031 61 90
Изоҳ (0)