“Меҳридарё” лойиҳасига Фарғона вилояти Боғдод туманида яшовчи Ҳолнисо Тожибоева мурожаат қилиб, жигарини қайта даволатиш учун халқдан ёрдам сўрамоқда.
— Ўн йилдан буён жигар церрози касаллиги билан даволаниб келаман. 2023 йилнинг 16 февраль куни Ҳиндистонга бориб, операция қилдириб келдик. Ёлғизгина талаба ўғлим донор бўлиб, жигарининг ярмини берди.
Ҳиндистонга бориб операция қилдириш ҳам жуда қимматга тушар экан. У ерга боришимиз учун ака-укаларим ерларини, қорамолларини сотиб ёрдам беришди. Аммо охирги ойларда ферментларим ошиб, яна кучли оғриқлар сезиляпти. Ўзбек шифокорларига мурожаат қилсам, операция қилган шифокор кўрикдан ўтказиши кераклигини айтишди. Тошкентга ҳинд шифокорлари келишганида қабулига бордим. Улар зудлик билан Ҳиндистонга боришни ва қайта операция қилдириш кераклигини айтишди. Бунга тахминан 40 миллион маблағ керак экан. Рости, бизда бунча маблағ йўқ. Укаларимнинг ҳам бола-чақаси бор, уларнинг ҳам сотадиган нарсаси қолгани йўқ.
Учта фарзандим бор. Фақатгина катта қизимни турмушга берганман. Ўғлим операциядан кейин 2-3 йил оғир ишга яроқсиз бўлиб қолди. Кенжа қизим эса ҳали мактаб ўқувчиси. Турмуш ўртоғим кунлик ишларга чиқиб рўзғорни тебратиб турибди. Яхши инсонлар, фарзандларимнинг тўйини кўришни, яшашни истайман. Агар имконинглар бўлса, даволанишим учун қўлдан келганча ёрдам беринглар, — дейди бемор Ҳолнисо Тожибоева.
Тожибоева Ҳолнисога хайрия қилишни истасангиз,
4073 4200 8199 1451 (Kholinsa Tojiboeva)
Мурожаат учун: +998 91 691-75-59 +998 77 017-75-59
Изоҳ (0)