АҚШ Конгресси Польша қуролли кучларига 96 дона Apache вертолётларини сотишга рухсат берди. Бу ҳақда Польша мудофаа вазири Мариуш Блашчак маълум қилди.
“Бизда Польшага 96 та Apache вертолётларини радарлар ва қуроллар билан бирга сотиш учун АҚШ Конгрессининг берган рухсатномаси бор” деб ёзган вазир ижтимоий тармоқдаги саҳифасида.
Эндиликда Польша Мудофаа вазирлиги вертолётлар ва улар учун қурол-яроғларни қандай нархда сотилиши борасида музокаралар олиб бормоқда.
Мариуш Блашчак аввалроқ Американинг Apache вертолётлари ва Abrams танклари ёрдамида Польшанинг шарқий чегарасида “енгиб бўлмас қалқон” яратиш, яъни Брест дарвозасини (Польша-Беларусь чегараси) ёпиш мумкинлигини айтган эди. Янги Apache вертолётлари Польша армиясида хизмат қилаётган Ми-24 вертолётларини алмаштиради.
Изоҳ (0)