Германия Италия, Испания ва Швеция билан Leopard 2 танкининг кейинги авлодини ишлаб чиқиш бўйича шартномалар имзолади. Бу ҳақда Handelsblatt газетаси хабар берди.
Танкни ишлаб чиқиш учун Krauss-Maffei Wegmann (КМW) ва Rheinmetall компаниялари масъул бўлади. Бироқ Rheinmetall ва КМW шартнома ҳақидаги маълумотга изоҳ беришдан бош тортди. Германия Мудофаа вазирлиги ҳам шартнома имзолангани ҳақидаги маълумотга изоҳ бермади.
Лойиҳада Швециянинг Saab ва Италиянинг Leonardo компаниялари ҳам иштирок этади. Испаниядан қайси компания иштирок этиши номаълум.
Франция ва Германия 2017 йилда ҳам худди шундай шартнома имзолаган эди. Бироқ мамлакатлар танкнинг хусусиятлари бўйича келиша олмадилар.
Франция анча енгил танк ишлаб чиқаришни мақсад қилган, Германия эса оғирроқ зирҳли танкни маъқул кўрган.
Изоҳ (0)