Ҳақиқатан ҳам яхши фильм ёки сериал қаҳрамонларга ҳамдард бўлишга ундайди ва томошабинларни хаёлий дунёга тўлиқ сингдиради. Бундай кайфиятни яратиш учун суратга олиш жараёнининг барча иштирокчиларидан кўп ҳаракат талаб этилади. Баъзан эса режиссёр, актёр ва операторлар фойдаланадиган усуллар экранда содир бўлаётган воқеалардан кўра ҳаяжонлироқ бўлиб чиқади.
“Смартфон юзли” актёрлари тарихий фильмларга мос тушмайди, аммо режиссёрлар бунга эътибор беришмайди
Баъзи актёрлар тарихий фильмларда бир оз ғалати кўринади, чунки уларнинг ташқи кўриниши ўша давр учун жуда замонавий бўлади. Бундай санъаткорлар ҳақида уларнинг “смартфон” юзи борлигини айтишади. Бу уларнинг ташқи кўриниши XXI аср билан боғлиқлигини англатади. Кўпинча, сохта табассум, винирлардан фойдаланиш, қошларнинг шакли ёки косметик муолажалар шунга олиб келади.
“Адалин даври” фильмида рол ўйнаган Блейк Лайвли 1930 йиллардаги аёлга унчалик ўхшамайди. Аммо Кейра Найтли, Сирша Ронан, Элл Феннинг ва Флоренс Пью тарихий драмаларга жуда мос тушади.
Аня Тейлор-Жой ҳам бир нечта тарихий фильмларда ҳам суратга тушган, масалан, “Жодугар” ёки “Эмма”. Бироқ баъзи интернет фойдаланувчиларига кўра, қиз бошқа сайёра вакилига ўхшайди. Шунинг учун ҳам фильм муваффақиятсизликка учраган деб билишади.
Суратга олиш майдончасидан ёмон ҳид анқийди
Матоларнинг хиралашиши ва деформациясига йўл қўймаслик учун одатда суратга олиш пайтида қаҳрамонларнинг кийимлари ювилмайди. Актёр битта кўйлакни қанча керак бўлса, шунча вақт кийиши мумкин. Тушлик танаффусида эса актёрларга кийимларини ифлослантирмасликлари учун устига кийишга бирор нарса берилади.
Винтаж костюмлар айниқса нозик муносабатни талаб қилади. “Даунтон аббатлиги” фильми актрисасининг тан олишича, суратга олиш пайтида ҳамма даҳшатли ҳидланиб кетган, чунки ҳақиқийлигини сақлаб қолиш учун кийимлар ювилмаган. Ҳар бир актёрга терни сўриб оладиган махсус қопламалар берилган. Яхшиямки, улар вақти-вақти билан ювилган.
Актёрлар ҳар қандай об-ҳавода ишлайди
“Титаник” режиссёри Жеймс Кемерон Жек Роузни қутқариб қолган саҳнани суратга оларкан, Кейт Уинслет баданни совуқдан титраб, терисидаги туклар тик турганини пайқайди. Ёритиш чироқлари шундай ўрнатилгандики, у яқиндан кўринадиган даражада кўзга ташланарди. Шунда Камероннинг илтимосига кўра, актрисанинг кадрга тушиб қолган қўлини туклардан тозалаш мақсадида суратга олиш жараёни тўхтатилади.
Барча товушлар суратга олингандан кейин ёзиб олинади
Деярли барча товушлар аллақачон студияда ёзиб олинган бўлади, баъзида бу қийинчиликларга олиб келади. Масалан, “Маликанинг кундалиги” фильмининг якуний саҳнасини суратга олиш жараёнида суратга олиш майдончасида Мадоннанинг “Like a Praer” қўшиғи янграйди. Қўшиқ актёрларга дам олишга ва рақсга тушишга ёрдам бериши керак эди.
Аммо фильм охирида бошқа қўшиқ танланади (Миrаclеs Happen), лекин актёрлар дастлаб Мадонна билан бирга куйлашгани учун ушбу кадрни яхшилаб таҳрирлашга тўғри келади.
Кўпгина актёрлар матнни ёдламайди ва наушникдан фойдаланади
Баъзи актёрлар ёзувчиларнинг сюжетга доимий равишда ўзгартириш киритиши сабабли сатрларни ёдлай олмай қолишса, бошқалари банд бўлгани учун бунга вақтлари йўқ. Маълумки, Том Круз ва Ал Пачино суратга олиш вақтида махсус эшитиш воситасидан фойдаланган.
Жонни Депп ҳам ушбу рўйхатда бор. Бироқ “Кариб денгизи қароқчилари” юлдузининг таъкидлашича, матнни тинглаш учун унга наушник керак эмас. Дарҳақиқат, актёр уни маълум бир ҳолатга солиши учун махсус одам ёллаган. Овоз муҳандиси ускунада махсус товушларни — чақалоқ йиғлаши, телефон гўшаги шовқинини қўйиб беради. Бу Деппга кадрда янада ҳақиқий ҳис-туйғуларни беришга ёрдам берди.
Режиссёрлар кўпинча актёрларни қўрқитишади, лекин бунинг акси ҳам бўлиши мумкин
Актёрлардан керакли ҳис-туйғуларни олиш учун режиссёрлар кўпинча актёрларни қийнашади, уларни қўрқитишади ёки атайлаб стресс ҳолатига киритишади. Натижада дурдона асарлар туғилади, лекин актёрларнинг ўзлари бундай ҳолатларни даҳшатли туш сифатида эслашади.
“Чақилмас ёнғоқ” фильмини суратга олган Жон Мактирнан Алан Рикмандан ҳақиқий ҳис-туйғуларни сиқиб чиқаришга қарор қилади. Ёвуз образни яратган актёр баландликдан қулаши керак эди. Рикман ва Мактирнан 3 гача санаб, кейин сакрашга келишиб олади. Аммо 1 дан кейин уни итариб юборишади, шунинг учун унинг кадрдаги қўрқуви жуда табиий чиққан.
Бироқ актёрларнинг ўзлари ҳам бутун суратга олиш гуруҳини қўрқитиши ҳам мумкин. Профессор Макгонагал роли бутун дунёга шуҳрат келтирган Мегги Смит барчани суратга олиш майдончасида ушлаб туради. Бошқа актрисалар Мегги лойиҳанинг ҳақиқий дурдонаси эканлигини айтишади.
Аммо бирор нарса уни ғазаблантирса, Смит ўзини ушлаб туролмайди. Натижада режиссёр Крис Колумб ундан шунчалик қўрқиб кетадики, у Меггини суратга олиш майдонига таклиф қилиш учун ёш Даниэль Редклиффни юборади ва иложи борича, актриса билан баҳслашмасликка ҳаракат қилади.
Изоҳ (0)