Хоҳламасангиз ҳам йиғлайсиз: жаҳон киносининг энг ғамгин драмалари

Баъзан комедия ва фантазиялардан дам олиб, кўнгилни бўшатиб олиш учун қайғули драмаларни томоша қилиш фойда беради. Сиз учун жаҳон киносининг энг ғамгин драмаларини тўпладик

“Муҳаббат масофаси” (2019)

IMDb рейтинги — 7.2

Ўсмирлар Стелла ва Уилл оғир касаллик — муковистидоздан азият чекади. Улар шифохонада танишади. Фақат Уилл тузалишни жуда хоҳласа ҳам, шифокор кўрсатмаларига амал қилмайди. Стелла йигитга ёрдам беришга қарор қилади ва унинг даволанишини назорат қила бошлайди. Секин-аста қаҳрамонлар бир-бирини севиб қолишади. Бироқ бир муаммо бор: инфекцияга чалинмаслик ва асоратларга дуч келмаслик учун улар ҳар доим беш қадам масофада бўлиши керак.

“Сен билан учрашгунча” (2016)

IMDb рейтинги — 7,4

Луиза оиласини боқиш учун кафеда ишлашга мажбур. У ўқиш, ўз-ўзини ривожлантириш ҳақида анчадан бери ўйламай қўйган. Кафе ёпилиб, қиз ишсиз қолади. Иш қидириб юрган Луиза фалаж бўлиб қолган Уиллни қараш учун ёлланади. У йигитнинг ўзига, истаклари ва имкониятларига бўлган муносабатини ўзгартиришга ҳаракат қилади. Ва, албатта, қаҳрамонлар бир-бирини севиб қолишади.

“Даҳо” (2020)

IMDb рейтинги — 7,2

Южин Смит (Жонни Депп) буюк фотограф. Аммо у ёши ва оғир характери сабаб ишидан бўшатилиш арафасида турибди. Бир куни унинг квартираси остонасида пайдо бўлган қиз Южинни ишдан ҳайдалишидан асраб қолади. У ватани Япониядаги экологик муаммони ёритишда ёрдам сўрайди. Саноат корхонаси узоқ йиллардан бери заҳарли чиқиндиларни дарёга ташлаб келади. Заҳарланган дарёдан балиқ ейишга мажбур бўлган яқин атрофдаги қишлоқлар аҳолиси оммавий касал бўлиб, болалар оғир хасталиклар билан туғилади. Анча ўйлаган Южин ёрдам беришга рози бўлади.

“Довул исканжасида” (2018)

IMDb рейтинги — 6,6

Теми ва Ричард пул эвазига океаннинг ярмини яхтада босиб ўтишга рози бўлишади. Саёҳат пайтида йигит қизга турмуш қуришни таклиф қилади. Шундан сўнг қаҳрамонлар кучли бўрон исканжасида қолади. Тўфон Ричардни бортга улоқтиради. Яхта парчаланиб, Теми олган жароҳатларидан ҳушидан кетади. Кейинчалик у ўзига келади, лекин энди у якка-ю ёлғиз қолганди. Қизнинг аҳволи оғирлашиб, кўзига галлюцинациялар кўрина бошлайди.

“Мени эсла” (2010)

IMDb рейтинги — 7.1

Тайлер (Роберт Паттинсон) акасининг ўлимидан сўнг ўзига келолмайди. Ҳеч кимнинг у билан иши йўқ: отаси ўз иши билан банд, онасининг эътибори эса янги эри ва кенжа қизида. Тайлер учун ягона тасалли — синглиси ва дўсти Эйдандир. Бир куни қаҳрамон ҳибсга олинади. Уни қамаган полициячининг қизи билан битта коллежда ўқишини билиб қолади. Полициячидан қасос олмоқчи бўлган Тайлер унинг қизи билан ишқий муносабатда бўлади. Аммо уларнинг муносабатларини фожиали синов кутиб турибди.

“Агар ҳаётда қолсам” (2014)

IMDb рейтинги — 6,7

Мианинг ҳаётида жуда кўп ўзгаришлар юз беради. У йигити билан ажрашади. Тўсатдан Миа ва унинг оиласи автоҳалокатга учрайди. Қизнинг ота-онаси вафот этади, қаҳрамоннинг ўзи эса оғир аҳволда касалхонага тушади. Мианинг руҳи танасидан ажралиб, содир бўлаётган воқеаларни кузатади: унга қандай муносабатда бўлишлари, бобоси ва бувиси ва ҳатто собиқ севгилиси қандай яшаётганини кўриб туради. Энди қаҳрамон танлаши керак: ота-онаси билан нариги дунёда қолиш ёки ҳаёт унга бериши мумкин бўлган имкониятларга қайтиш.

“Сени севаман” (2007)

IMDb рейтинги — 7

Холлининг эри Жерри оғир хасталикдан сўнг оламдан ўтади. Бу воқеа қаҳрамонни руҳий тушкунликка солади. У уйдан чиқмай қўяди — фақат телевизор кўради ва уй телефонига қўнғироқ қилиб, телефонга ёзилган эрининг овозини эшитиб юради. Туғилган кунида Холли эри унга бир нечта хабарлар қолдирганини билиб қолади. Уларнинг ҳар бирида у ўз ҳаётидаги баъзи муҳим воқеаларни эслаб, севгилисига у бўлмаган янги ҳаётдан завқланишни ўрганишни айтиб кетганди.

“Ҳамон ўша Элис” (2014)

IMDb рейтинги - 7,5

Элис (Жулиана Мур) университетда тилшуносликдан дарс беради. Унинг меҳрибон эри ва учта вояга етган фарзанди бор. Ҳаёт гўзал. Аммо Элис Альцгеймер касаллигига чалинганини билгач, ҳамма нарса ўзгаради. Қаҳрамон вақт ўтиши билан унинг аҳволи ёмонлашишини тушунади. Энди у хотираси бутунлай йўқоладиган вақтга тайёрланиши керак.

“Юлдуз туғилди” (2018)

IMDb рейтинги — 7,6

Кекса мусиқачи Жексон ёш қўшиқчи Элли билан танишади. У чиройли куйлайди ва қўшиқ ёзади, лекин уларни ижро этмайди. Бир вақтлар у шоу-бизнесга киришни орзу қилган, ҳозир эса Элли официант бўлиб ишлайди. Жексон қизни машҳур қилишга бел боғлайди. Лекин шоу-бизнесга қадам қўйган Эллининг ўзгариши эркакни янада тушкунликка солади.