Россияда 21 августдан 27 августгача бўлган ҳафта давомида коронавирус билан касалланиш даражаси ўтган ҳафтага нисбатан 19,6 фоизга ошди. Бу ҳақда “Интерфакс” агентлиги Коронавирус инфекциясига қарши кураш бўйича тезкор штабга таяниб маълум қилди.
“Янги коронавирус инфекцияси билан касалланиш даражаси ҳар 100 минг кишига 2,82 нафарни ташкил этди ва ўтган ҳафтага нисбатан 19,6 фоизга ошди. Касалликнинг ўсиши Россия Федерациясининг 46 та ҳудудида, шу жумладан, 18 та туманида қайд этилган. Бу ўртача кўрсаткичдан кўра юқори ҳисобланади”, — дейилади оператив штаб хабарномасида.
Маълумотларга кўра, ўтган ҳафтада 11 киши ҳалок бўлган. 14 августдан 20 августгача бўлган даврда эса касалланиш 16,1 фоизга ошиб, ўлим ҳолати 34 тани ташкил этганди.
Ҳафта давомида коронавирус туфайли касалхонага ётқизилганлар сони 1035 тани ташкил этиб, ўтган ҳафтага нисбатан 3,3 фоизга ошгани хабар қилинмоқда.
Изоҳ (0)