Бир неча йил олдин юлдузларни ортиқча кило учун танқид қилиш мутлақо нормал деб ҳисобланган. Аммо бугунги кунда бундай гаплар шунчаки бемаъни нарсадек туюлади.
Женнифер Энистон
Бугунги кунда Женнифер Энистон миллионлаб аёллар учун гўзалликни ўзида мужассам этган актриса ҳисобланади. Аммо маълум бўлишича, “Дўстлар” фильмидаги Рейчел ролини олиш учун актриса 13 килога озган. 90 йилларда энг яхши роллар одатда нозик актрисаларга бериларди. Ва муваффақиятга эришиш учун актрисалар кўп нарсаларни қурбон қилишлари керак эди. Энистоннинг мисолида бу сутли коктейллар ва майонез бўлган. Аммо Энистон шундан сўнг диетасини қайта кўриб чиқиб, тўғри овқатланишни бошлагани учун тақдирдан миннатдор.
Кейт Бекинсейл
Кейт қизи туғилгандан сўнг “Перл Ҳарбор” фильмидаги рол учун кастингдан ўтади. Актриса аввалги вазнига қайтишга муваффақ бўлган бўлса-да, продюсерлар бу етарли эмаслигини, янада қаттиқроқ машқ қилиш кераклигини айтишади. “Мен 1940 йиллардаги ҳамшира нима учун бундай озғин бўлиши кераклигини тушунмаганман”, деб эслайди актриса. Аммо энг ҳақоратлиси режиссёрнинг Кейтни жозибали эмаслиги учун танлаганини айтгани бўлган.
Марго Робби
Марго Робби бугунги кунда дунёдаги энг талабгир актрисалардан бири. Бироқ унинг карьераси ҳар доим ҳам силлиқ кетмаган. Фаолиятининг бошида актрисага муваффақиятга эришиш имкониятини ошириш учун бир неча килограмм йўқотиш тавсия этилган. Аммо Марго бу маслаҳатга эътибор ҳам қилмаган.
Кейт Уинслет
Нуфузли “Оскар”, BAFTA, “Олтин глобус” ва “Эмми” мукофотлари совриндори фаолияти давомида унинг вазни ҳақида ҳақоратомуз фикрларни кўп эшитган. Актёрлик мактабида ёш Кейт семиз аёлларни ўйнаши башорат қилинган. Актриса “Титаник” фильмидаги орзу қилинган ролни ўйнагач, оламшумул машҳурликка эришади. Машҳур комедиячи Жоан Риверс Уинслет ҳақида ҳазиллашиб, агар Роуз бир неча килога озганида, Жек ҳам ёғочга сиғиши мумкинлигини айтади. Бугунги кунда бундай гаплар нўрин, чунки актрисанинг вазни атиги 63 кг, бўйи 170 см.
Софи Тернер
“Тахтлар ўйини” юлдузи ўсмирлик негатив фикрдагиларнинг қурбони бўлган. Шоу мухлислари қизнинг қоматини батафсил муҳокама қилган. Фильм бошлиқлари, ҳатто қаҳрамонга ҳеч қандай алоқаси бўлмаган тақдирда ҳам, Софидан роллар учун вазн йўқотишни сўрашган. Бундай гаплар қизнинг ўзига бўлган ишончига таъсир қилгани сабабли психотерапевт ёрдамига мурожаат қилишга мажбур бўлади.
Аманда Сайфред
2013 йилда актриса ўзининг “ортиқча” вазни туфайли бир нечта ролларни деярли йўқотгани ҳақида очиқчасига айтиб берди. Фаолиятининг бошида қиз амаллаб 5 килога озади, шунинг учун у ўзини Голливуд учун етарлича нозик деб ҳисобламайди. Аммо кейинчалик Аманда бундан афсусда эканлигини ва шу қоматини кўпроқ ёқтиришини тан олади.
Никол Ричи
Бугунги кунда бунга ишониш қийин, аммо 2003 йилда Никол Ричи дунё олдида “Оддий ҳаёт” реалити-шоусида чиққанида, ОАВ унга “семиз қиз” лақабини берган. Албатта, бундай баҳолашнинг воқеликка ҳеч қандай алоқаси йўқ эди, лекин журналистлар учун воқеликни бузиб кўрсатиш қийин эмасди.
Изоҳ (0)