1973 йилда кинотеатр экранларига чиққан ажойиб комедия режиссёр ва актёрлар гуруҳининг истеъдоди туфайли ҳанузгача замонавий томошабинларнинг севимли фильми бўлиб қолмоқда.
- Режиссёр Леонид Гайдай Михаил Булгаков спектаклини 1966 йилда “Кавказ асираси” ҳит фильми премьерасидан сўнг дарҳол суратга олишга қарор қилади. Фильм “Иван Василевич” эмас, балки “Югуриш” деб номланади.
- Александр Демяненко вақт машинаси ихтирочиси Николай ролига тасдиқланганидан сўнг қаҳрамонини Александр деб ўзгартиришга қарор қилинади. Бунинг сабаби шундаки, томошабинлар актёрни Гайдайнинг бошқа комедияларида Шурик исмли талаба сифатида таниб улгуришганди.
- Фильм сценарийнависи Владлен Бахнов Леонид Гайдай билан бир подъездда яшаган, шунинг учун сценарий режиссёрнинг квартирасида ёзилган.
- Миллионлаб томошабинларнинг севимлисига айланган картина премьераси 1973 йил 17 сентябрда бўлиб ўтади.
- Дастлаб фильм “Иван Грозний: келажакка қайтиб” номи остида чиқади.
- Бош ролда режиссёр фақат Юрий Никулинни тасаввур қилади. Гап шундаки, Леонид Гайдай “Фан ва ҳаёт” журналида Иван Грознийнинг тарихий портретини кўрганида, бу ролга Никулин мос тушишини дарҳол тушунади. Бироқ актёр бу ролдан воз кечади.
- Директорнинг ўзи ҳам кўплаб актёрларни рад этади. Масалан, актёр Евгений Лебедевни уй бошқарувчиси ролига мос эмас, деб ҳисоблайди. Георгий Вицин ҳам бадиий кенгашдан ўтолмайди: у фақат машҳур учлик билан биргаликда ассоциация қилинади.
- Зиночка ролига бир нечта актрисалар, учта Наталя — Гвоздикова, Гундарева ва Селезнёва кастинг топширади. Шурикнинг саргузаштларидаги Лида роли билан таниш бўлган Селезнёва танловдан ўтади.
Шоҳ диванга ўтирганда бехосдан магнитафонда янграган Владимир Висоцкийнинг қўшиғи фильм учун махсус ёзиб олинган.
Уй бошқарувчиси Иван Василевичнинг рафиқаси ролига “Бриллиант қўл” комедияси юлдузи, истеъдодли актриса Нонна Мордюковани мўлжаллашади. Аммо кастинг пайтида Крачковская Гайдайга яқинлашиб, “Илтимос, шу ролга мени олинг. Ишонинг , яхши ўйнай оламан”, дейди. Шундан сўнг режиссёр актрисага имконият беришга қарор қилади.
- Юрий Яковлевнинг эслашича, режиссёр ҳар доим у ёки бу саҳнани қандай суратга олишни олдиндан билган. Бироқ актёрлар саҳнани охиригача ўйнаганларидан сўнг фильм директори “Стоп, кадр олинди” демайди. Маҳоратли актёрлар эса ўзларини йўқотмай, импровизация қилишади.
- Юрий Яковлев Иван Василевичнинг қироллик либоси остидан пайпоқ ва замонавий ботинка кўринадиган эпизодни сценарийга ўзи киритади.
- Сценарийда хатолик ҳам ўтган. Полициячи шоҳнинг туғилган санаси ҳақида сўраганида, қирол “Исо туғилганидан кейинги бир минг беш юз ўттиз учинчи” деб жавоб беради. Бироқ бундай хронология фақат 1700 йилда Пётр I ҳукмронлиги даврида пайдо бўлган.
- Бундан ташқари, тарихий маълумотлар туфайли қаҳрамонларнинг ўтмишда бўлган санасини аниқ билиш мумкин. Марфа Василевна Собакина атиги 15 кунгина Иван Грознийнинг рафиқаси бўлган, демак, ўтмишга саёҳат 1571 йил 28-октябрдан 12 ноябргача бўлган.
- Наталя Селезнёва Юрий Яковлевни телбаларча севиб қолганини тан олади. “Мен учун у етиб бўлмас юлдуз эди. Ҳозир ҳам унга қарасам, совуқ терга ботаман. У аёлларни магнитдек ўзига тортади”, дейди актриса.
- Режиссёр Леонид Гайдай деярли барча фильмларида рафиқаси Нина Гребешковани суратга олган, аммо бу сафар актриса эрининг илтимосига қарамай, малика Марфа ролини ўйнашдан бош тортган.
- Подшоҳнинг шоҳона мўйнали кийими бошқа фильмнинг реквизитларидан олинган — Сергей Эйзенштейннинг “Иван Грозний” фильмига тегишли. Унда асосий ролни Николай Черкасов ўйнаган.
- Ихтирочининг рафиқаси Зина дизайнер Вячеслав Заицевнинг костюмларини кийган. Айтганча, ушбу рол ижрочиси Наталя Селезнёванинг парикларидан бири “Рус сувенири” фильмининг реквизитларидан олинган. Унда Любов Орлова рол ўйнаши керак эди.
- Бўйи 169 сантиметр бўлган Александр Демяненко экрандаги рафиқаси Селезнёва (175 сантиметр) билан уйғун кўриниши учун у умумий саҳналарда стулга чиқиб ўйнайди, актрисага эса пошнали пойабзал кийиш тақиқланади.
- Суратга олиш жараёни ходимининг айтишича, Наталя Кустинская билан эпизод суратга олинган телефон кабинаси тўғридан тўғри пиёдалар йўлагига ўрнатилган. Будка ўша ерда 2 кун турган ва маҳаллий аҳолига халақит берган.
- 1977 йилда “Ажойиб мусиқачилар ёки Шурикнинг янги орзулари” фильм-концерти суратга олинади. У Александр Зацепин мусиқаси билан Леонид Гайдайнинг машҳур комедияларига асосланган эди. Севимли актёрлар фонограммада куйлашади ва ўзларини гўё чолғу асбобларини чалаётгандек кўрсатишади. Александр Демяненко концерт бошловчиси бўлади.
- 1997 йилда Александр Демяненко, Юрий Яковлев, Леонид Куравлев, Михаил Пуговкин, Наталя Крачковская ва Наталя Селезнёва биргаликда экранларга қайтиб, Иван Василевичнинг Янги йилга бағишланган “Эски қўшиқлар-3” мусиқий комедиясида ўйнашади.
- Картина сюжетига кўра, севимли қаҳрамонлар Янги йилни биргаликда нишонлашади. Ўша пайтда Шурик ҳаммага янги вақт машинасини кўрсатади.
- Ажабланарлиси шундаки, Александр Демяненкога унчалик ёқмаган Шурик роли унинг кино фаолиятидаги сўнгги роли бўлиб қолади.
Севимли фильмнинг кўплаб актёрлари бугунги кунда ҳаёт эмас, лекин уларнинг болалари ва неваралари актёрлик сулоласини давом эттирмоқда. Масалан, Владимир Этушнинг қизи театр ва кинода ўйнайди, уни яна бир афсонавий фильм — “Икки кишилик вокзал” эпизодида ҳам кўриш мумкин.
Юрий Яковлевнинг қизи Алёна ҳам изланувчан актриса. Мария Козакова эса нафақат Юрий Яковлевнинг, балки таниқли актёр Михаил Козаковнинг ҳам набираси. Бугунги кунда актриса фильм ва сериалларда фаол иштирок этмоқда.
- Битта фильмда икки хил образни моҳирона ижро этган Юрий Яковлев театр университетига ўқишга киролмаганини кўпчилик билмайди. Қизиғи шундаки, унинг бўлажак ҳамкасби, танлов комиссиясининг раиси Владимир Этуш йигитни рад этибгина қолмай, унга заводда ишлашни маслаҳат беради.
Изоҳ (0)