Комиссар Каттани образи билан танилган актёр ҳозир қандай кўринишга эга ва нималар билан банд? (фото)

Актёр Мишел Пласидо “Саккизоёқ” сериалида Сицилиянинг Trapани шаҳридаги полиция бошлиғи — комиссар Коррадо Каттани ролини ўйнади ва маҳоратли ижроси билан миллионлаб инсонларнинг қалбини забт этди. Қуйида 80 йилларда дунё бўйлаб машҳурликка эришган актёрнинг шахсий ҳаёти ва фаолияти ҳақида маълумот берилади.

Комиссар Коррадо Каттани образи сериал намойиш этилгандан кўп ўтмай томошабинларнинг севимли қаҳрамонига айланди. Улар телеприёмникларини эгаллаб, мафияга қарши қизғин кураш олиб борган жасур Каттани билан бирга “нафас олишди”.

Бутун дунё миқёсидаги муваффақият туфайли лойиҳа бир мавсум билан чекланиб қолмади, унинг 10 та мавсуми суратга олинди. Бироқ Пласидо томошабинлар онгида битта рол билан қолишни истамай, тўртинчи мавсум охирида сериални тарк этишга қарор қилди.

Актёр тўртинчи мавсумда лойиҳани тарк этгани туфайли сценарий бўйича томошабинларнинг севимли қаҳрамони комиссар Каттани ҳам вафот этди.

Айтганча, Мишел Пласидо бу ролга тасодифан танланмаган, актёр бир неча йил давомида полицияда ишлаган. Айнан шунинг учун лойиҳа режиссёри Дамиано Дамиани ғарб кино юлдузи Франко Неронни афзал кўрган продюсерларнинг қаршиликларига қарамай, ушбу ролни Пласидо ўйнашини талаб қилди.

Бугунги кунда актёрнинг фильмографиясида 130 дан ортиқ фильмлар, жумладан, рус драмаси “Афғон парчаланиши” лойиҳаси ҳам бор. Айнан шу лойиҳа сабаб актёрнинг ҳаёти хавф остида қолган.

Қизиғи шундаки, Мишел Пласидо ҳамон “Саккизоёқ” сериалидаги Комиссар Каттани роли учун собиқ Совет республикаларидаги мухлислардан хат олади.

Актёр 2002 йили учрашишни бошлаган Федерика Винченти билан 2012 йилда расман турмуш қурди. Унинг бошқа рафиқалари билан турмушидан беш нафар фарзанди бор. Актёр машҳур актриса Виржиния Александра билан муносабатда бўлган ва бу турмушдан бир ўғил дунёга келган. 

Мишел Пласидо 77 ёшда бўлишига қарамай, суратга олиш жараёнларида иштирок этиш ва режиссёрлик қилишда давом этмоқда. Яқинда у ўғли Бренно Пласидонинг “Караваджо сояси” номли янги лойиҳасидаги иштироки учун мукофотланди.

Мишелнинг меросхўри актёрлик карьерасини жадал ривожлантирмоқда ва ижтимоий тармоқларда кўплаб мухлисларга эга.