Aktyor Mishel Plasido “Sakkizoyoq” serialida Sitsiliyaning Trapani shahridagi politsiya boshlig‘i — komissar Korrado Kattani rolini o‘ynadi va mahoratli ijrosi bilan millionlab insonlarning qalbini zabt etdi. Quyida 80-yillarda dunyo bo‘ylab mashhurlikka erishgan aktyorning shaxsiy hayoti va faoliyati haqida ma’lumot beriladi.
Komissar Korrado Kattani obrazi serial namoyish etilgandan ko‘p o‘tmay tomoshabinlarning sevimli qahramoniga aylandi. Ular telepriyomniklarini egallab, mafiyaga qarshi qizg‘in kurash olib borgan jasur Kattani bilan birga “nafas olishdi”.
Butun dunyo miqyosidagi muvaffaqiyat tufayli loyiha bir mavsum bilan cheklanib qolmadi, uning 10 ta mavsumi suratga olindi. Biroq Plasido tomoshabinlar ongida bitta rol bilan qolishni istamay, to‘rtinchi mavsum oxirida serialni tark etishga qaror qildi.
Aktyor to‘rtinchi mavsumda loyihani tark etgani tufayli ssenariy bo‘yicha tomoshabinlarning sevimli qahramoni komissar Kattani ham vafot etdi.
Aytgancha, Mishel Plasido bu rolga tasodifan tanlanmagan, aktyor bir necha yil davomida politsiyada ishlagan. Aynan shuning uchun loyiha rejissori Damiano Damiani g‘arb kino yulduzi Franko Neronni afzal ko‘rgan prodyuserlarning qarshiliklariga qaramay, ushbu rolni Plasido o‘ynashini talab qildi.
Bugungi kunda aktyorning filmografiyasida 130 dan ortiq filmlar, jumladan, rus dramasi “Afg‘on parchalanishi” loyihasi ham bor. Aynan shu loyiha sabab aktyorning hayoti xavf ostida qolgan.
Qizig‘i shundaki, Mishel Plasido hamon “Sakkizoyoq” serialidagi Komissar Kattani roli uchun sobiq Sovet respublikalaridagi muxlislardan xat oladi.
Aktyor 2002-yili uchrashishni boshlagan Federika Vinchenti bilan 2012-yilda rasman turmush qurdi. Uning boshqa rafiqalari bilan turmushidan besh nafar farzandi bor. Aktyor mashhur aktrisa Virjiniya Aleksandra bilan munosabatda bo‘lgan va bu turmushdan bir o‘g‘il dunyoga kelgan.
Mishel Plasido 77 yoshda bo‘lishiga qaramay, suratga olish jarayonlarida ishtirok etish va rejissorlik qilishda davom etmoqda. Yaqinda u o‘g‘li Brenno Plasidoning “Karavadjo soyasi” nomli yangi loyihasidagi ishtiroki uchun mukofotlandi.
Mishelning merosxo‘ri aktyorlik karyerasini jadal rivojlantirmoqda va ijtimoiy tarmoqlarda ko‘plab muxlislarga ega.
Izoh (0)