Италиялик хонанда Тото Кутунё 81 ёшида вафот этди, деб хабар бермоқда “Интерфакс”.
Қўшиқчи узоқ давом этган касалликдан сўнг Миландаги шифохонада ҳаётдан кўз юмган.
Кутунё 1983 йилда Сан-Ремода ўтказилган фестивалда L'italliano қўшиғини куйлаганидан сўнг машҳурликка эришган эди. Айнан ушбу қўшиқ узоқ йиллар мобайнида унинг асосий хит таронаси бўлиб қолди.
Ўша фестивалда Тото бешинчи ўринни эгаллаган бўлса-да, айнан шу қўшиғи унга оламшумул машҳурликни олиб келган.
Тото 1990 йилда “Евровидение” танловида “Insieme:1992” қўшиғи билан ғолиб бўлган. У Адриано Челентано, Жо Дассен ва Далида каби ижодкорлар билан ҳамкорлик қилган.
Кутунё 2016 йилда Тошкентга келган эди.
Изоҳ (0)