Навоий шаҳрида белгиланмаган жойга чиқинди ташлаганлар 10 миллион сўмдан ортиқ жаримага тортилди. Бу ҳақда вилоят Экология бошқармаси матбуот хизмати хабар берди.
Унга кўра, Навоий шаҳар Экология бўлими давлат инспекторлари томонидан 1—15 август кунлари шаҳар ҳудудида ўтказилган экологик назорат рейд тадбирлари давомида 33 нафар фуқаро ноқонуний равишда белгиланмаган жойга маиший ва қурилиш чиқиндиларни ташлагани аниқланди.
Аниқланган ҳолатлар юзасидан фуқароларнинг барчасига Маъмурий жавобгарлик тўғрисидаги кодекснинг 91-модданинг 1 ҳамда 2-қисмига асосан маъмурий баённома расмийлаштирилиб, 10 миллион 890 минг сўм жарима белгиланди.
Изоҳ (0)