“Чеченка” тахаллуси билан танилган инстаблогер Гулзода Абдуллаева турмуш ўртоғига иккинчи хотин совға қилгани акс этган видео кўплаб муҳокамаларга сабаб бўлди. 15 август куни мазкур ҳолат бўйича суд мажлиси бўлиб ўтди.
Олий суд матбуот котиби “Дарё”га блогерга нисбатан чиқарилган ҳукм матнини тақдим этди. Маълум қилинишича, “Чеченка” тахаллуси билан танилган блогер Гулзода Абдуллаева 9 август куни жамоат тартибини бузишга сабаб бўлувчи кўп хотинлик ғоясини тарғиб қилиб, турмуш ўртоғининг туғилган куни муносабати билан унга иккинчи хотин сифатида бегона аёлни “совға” қилган.
Суд мажлисида блогер ўз кўрсатувида мазкур видео ҳазил тариқасида бўлганини, ҳозирда қилмишидан пушаймонлигини, бу каби ҳолатлар бошқа такрорланмаслигини, 2 нафар вояга етмаган фарзанди борлиги ҳамда ҳозирда ҳомиладор экани инобатга олиб, унга енгиллик беришни сўраган.
Суд ҳукмига кўра, Гулзода Абдуллаева қарамоғида икки нафар фарзанди борлиги ҳамда муқаддам бу тоифадаги ҳуқуқбузарликлар учун жавобгарликка тортилмагани инобатга олиниб, Маъмурий жавобгарлик тўғрисидаги кодекснинг 21-моддасига асосан жавобгарликдан озод этилди ва огоҳлантириш билан кифояланди.
Изоҳ (1)
Oʻzi bu sudyalarni koʻpchiligini Mirzachoʻlga paxtaga yuborish kerak. Nima foydasi bor buni sud qilganni??? Sud qilibsanmi endi 200 aklad shtraf qilda 2 ta yetimni toʻyini qilib ber yoki 4 ta bemorni dorisini qilib ber. Quruqdan quruq vaqt oʻtkazmay. Baribir xalqni pulini yeganlarni sud qilmaydi bular...