Тошкент вилояти Янгийўл туманида Spark ҳайдовчиси чиқинди улоқтиргани учун қарийб 1 миллион сўм жаримага тортилди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги ахборот хизмати хабар берди.
Унга кўра, Янгийўл шаҳри, “Наврўз” МФЙ ҳудудида чиқинди ташлаш билан боғлиқ навбатдаги ҳуқуқбузарлик содир бўлди. Ҳолат Экология вазирлиги Диспетчерлик ва онлайн мониторинг марказий бошқармаси томонидан ўрнатилган кузатув камераларига муҳрланди.
Ҳолат ўрганилганида 1993 йилда туғилган фуқаро Х.А. Spark’да белгиланмаган ҳудудга ноқонуний чиқинди ташлангани аниқланди. Ҳолат юзасидан ҳуқуқбузарга нисбатан Маъмурий жавобгарлик тўғрисидаги кодекснинг 91-моддаси, 1-қисми билан маъмурий баённома расмийлаштирилди. У 990 000 сўм миқдорида жаримага тортилди.
Изоҳ (0)