Зангиота туманидан оқиб ўтувчи Бўзсув канали атрофида “Махсустранс”га тегишли бўлган машина ҳайдовчиси чиқинди ташлагани аниқланди. Пойтахт ҳокимлиги ахборот хизмати ҳолат юзасидан маълумот берди.
Унга кўра, 3 август куни ижтимоий тармоқларда “Махсустранс ИЧБ” ДУКга қарашли бўлган махсус контейнер автомашинаси чиқиндиларни белгиланганидек Оҳангарондаги полигонга эмас, Бўзсув каналининг Тошкент вилояти Зангиота туманидан оқиб ўтувчи йўналишидаги ҳудудлардан бирига ташлагани ва бунинг учун ҳайдовчи 1 650 000 сўм миқдорида жаримага тортилгани ҳақида хабарлар тарқалган.
Бу масала Тошкент шаҳар ҳокимлиги, “Махсустранс ИЧБ” ДУК мутасаддилари билан ўрганилди. Чиқиндиларни белгиланмаган жойга ташлаган ҳайдовчи Ж.М ва бу ишга масъулиятсизлик билан қараган “Шайхонтоҳур-Махсустранс” АТФ директори Ф.М. билан тузилган меҳнат шартномаси бекор қилинди.
Изоҳ (0)