АҚШ ҳукумати 345 миллион долларлик ҳарбий ёрдам пакети доирасида Тайванга тўртта MQ-9А разведка дронларини билан таъминлайди. Бу ҳақда Тайван марказий ахборот агентлиги ҳарбий манбага таяниб хабар берди.
Агентлик маълумотларига кўра, етказиб беришнинг аниқ муддати ҳозирча номаълум, чунки АҚШ мутахассислари ҳозирда дронлардан энг илғор ускуналарни демонтаж қилишмоқда. Манба, шунингдек, ёрдам пакети ўқув дастурлари ва ўқ-дориларни ўз ичига олишини таъкидлади.
Бироқ Тайван мудофаа департаменти бу маълумотга изоҳ беришдан бош тортди.
Тайваннинг Дансзян университети қошидаги Стратегик тадқиқотлар институти доценти Лин Иню MQ-9А дронлари Тайваннинг разведка қобилиятини сезиларли даражада ошириши мумкинлигини таъкидлади. Бундан ташқари, улар қабул қилинган маълумотларни реал вақт режимида сунъий йўлдош алоқаси орқали узатиш имкониятига эга.
Тайван аввалроқ АҚШдан 217 миллион доллар эвазига тўртта такомиллаштирилган MQ-9B SеаGuardian дронларига буюртма берган эди. Шартнома Дональд Трамп маъмурияти томонидан маъқулланган ва етказиб бериш муддати 2025 йилда якунланиши белгилаб қўйилган.
Изоҳ (0)