Шимолий Корея етакчиси Ким Чен Ин 3—5 август кунлари мамлакат мудофаа корхоналарини, жумладан, ракета тизимлари учун ўқ-дорилар ишлаб чиқарувчи корхоналарни кўздан кечирди, деб хабар берди Корея Марказий ахборот агентлиги.
Ўта йирик калибрли снарядлар ишлаб чиқарадиган заводга ташрифи чоғида Ким Чен Ин заводда яқинда амалга оширилган технологиялар ва йиғиш линиялари модернизацияси, шунингдек, жорий ишлаб чиқариш жараёни билан шахсан батафсил танишди, деб хабар берди агентлик.
Бундан ташқари, КХДР етакчиси қанотли ракеталар ва дронлар учун двигателлар йиғувчи корхонага ташриф буюриб, ушбу маҳсулотларнинг техник хусусиятларини яхшилаш ва ишлаб чиқариш ҳажмини оширишга чақирди.
Шунингдек, Ким Чен Ин ўқотар қуроллар ишлаб чиқарадиган заводга ташрифи чоғида бу турдаги қуролларни модернизация қилиш ҳозирда энг муҳим вазифа эканини айтди.
Август ойида Жанубий Корея ва АҚШнинг қўшма ҳарбий машғулотлари бўлиб ўтиши керак. Сеул ва Вашингтон бу машғулот мудофаа мақсадида эканлигини таъкидламоқда. Бироқ Пхеньян бу манёврларни Шимолий Кореяга қарши ҳарбий амалиёт учун репетиция деб ҳисобламоқда.
Изоҳ (0)