Президентнинг тегишли қарори билан Тошкент тиббиёт академиясининг ректори Алишер Шодмонов соғлиқни сақлаш вазирининг биринчи ўринбосари лавозимига тайинланди. Бу ҳақда ССВ матбуот хизмати хабар берди.
Алишер Шодмонов 1962 йилда Тошкент шаҳрида туғилган. 1985 йилда Андижон давлат тиббиёт институтини тамомлаган. 2009-2010 йилларда Андижон давлат тиббиёт институтининг ўқув ишлари бўйича проректори, 2010-2015 йилларда Андижон давлат тиббиёт институти ректори лавозимларида меҳнат қилган.
Алишер Шодмонов 2017 йилнинг февраль ойидан буён соғлиқни сақлаш вазири сифатида фаолият олиб бораётганди. Собиқ вазир 2020 йилнинг июлида Республика ихтисослаштирилган кардиология илмий-амалий тиббиёт марказига даволанишга ётқизилган. Унинг ўрнига бош вазир ўринбосари Беҳзод Мусаев вазирликка раҳбарлик қилганди. Ўша йилнинг август ойида Алишер Шодмонов ишга қайтган.
Олий Мажлис Қонунчилик палатаси депутатлари 2020 йил 3 ноябрь куни Ўзбекистон соғлиқни сақлаш вазири лавозимига Абдуҳаким Хожибоев номзодини маъқуллаган. Алишер Шодманов эса Тошкент тиббиёт академияси ректори этиб тайинланганди.
Изоҳ (0)