Сирдарё туман адлия бўлими марказ шўба бошлиғи қўлга олинди, деб хабар беради Бош прокуратура ҳузуридаги департамент.
Маълум қилинишича, департамент ҳамда ДХХнинг Сирдарё вилояти бошқармалари томонидан ИИБ ходимлари билан ҳамкорликда тезкор тадбир ўтказилган. Тадбирда Сирдарё туман адлия бўлими Давлат хизматлари маркази шўба бошлиғи М.Б. фуқаро Ш.У.нинг ишончига кириб, унга 1,4 миллион сўм эвазига яшаш хонадони кадастр ҳужжатларини расмийлаштириб беришини айтиб, олдиндан 1,2 миллион сўмни таниши Н.С.нинг пластик картасига ўтказиб олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Бундан олдин Қашқадарё вилоят қурилиш ва уй-жой коммунал хўжалиги бошқармаси шўба бошлиғи пора билан қўлга тушганди. У танишлари ёрдамида кўп қаватли уй-жой биноси лойиҳасини тасдиқлатиб бериши эвазига 500 доллар олган. Шунингдек, Наманган шаҳар солиқ инспекцияси бошлиғи ўринбосари ва МЧЖ юристи ушлангани тўғрисида хабар берилганди.
Изоҳ (0)