Шукуруллохон Нисбатхонов Марғилон шаҳар ҳокими этиб тайинланди. Бу ҳақда матбуот хизмати хабар берди.
Қайд этилишича, 11 август куни Халқ депутатлари Марғилон шаҳар кенгашининг навбатдан ташқари сессиясида лавозимидан озод этилган Адҳам Зиявитдинов ўрнига янги шаҳар ҳокимини тайинлаш билан боғлиқ ташкилий масала кўрилган.
Вилоят ҳокими Хайрулло Бозоров томонидан тақдим этилган Шукуруллохон Нисбатхонов номзоди Марғилон шаҳар депутатлари томонидан қўллаб-қувватланган.
Тайинловга қадар у Қашқадарё вилояти давлат солиқ бошқармаси бошлиғи лавозимида фаолият юритган.
Шунингдек, Баҳодир Холиқов Риштон тумани ҳокими этиб тайинланди.
Шу пайтгача Фарғона вилояти Камбағалликни қисқартириш ва бандлик бош бошқармаси бошлиғининг ўринбосари бўлиб ишлаб келган Баҳодир Холиқовни Риштон тумани ҳокими этиб тайинлаш тўғрисидаги вилоят ҳокимининг қарори Халқ депутатлари Риштон туман кенгаши депутатлари томонидан бир овоздан маъқулланган.
Июль охирида ўз ҳудудида ишларни лозим даражада ташкил этмагани учун Риштон тумани ҳокими С.Солиев, Марғилон шаҳар ҳокими А.Зиявитдинов эгаллаб турган лавозимидан озод қилинганди.
Изоҳ (0)