Олий суд матбуот хизмати “Док-1 Макс” дори воситаси билан боғлиқ жиноят иши юзасидан маълумотларни очиқлади.
Унга кўра, Тошкент шаҳар судининг иш юритувига С.Р.П. (эркак, 1972 йилда Ҳиндистонда туғилган, Қурамах Medical МЧЖ директори), С.К. (эркак, 1982 йилда Тошкент шаҳрида туғилган, бир вақтда Фармацевтика тармоғини ривожлантириш агентлиги директори ва унинг ҳузуридаги “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУК директори лавозимларида ишлаган) ва бошқаларга (жами 21 киши: Қурамах Medical МЧЖ ва “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУК масъул ходимлари) оид жиноят иши келиб тушган бўлиб, уни кўриб чиқиш бўйича очиқ суд жараёни 11 август куни соат 10:00 да бошланиши белгиланди.
Айбланувчиларнинг 16 нафари эркак ва 5 нафари аёл бўлиб, уларнинг 7 тасига қамоққа олиш, 12 тасига муносиб хулқ-атворда бўлиш тўғрисида тилхат ва 2 тасига гаров тарзидаги эҳтиёт чоралари қўлланган.
Улар Жиноят кодексининг 184, 28,186-3, 186-3, 25,205, 205, 207, 28,209, 209, 210, 211, 212, 228-моддаларида назарда тутилган жиноятларни содир этганликда айбланмоқда.
Тасдиқланган айблов хулосасига кўра содир этилган жиноятлар оқибатида 65 нафар ёш бола вафот этган.
Ҳиндистонда ишлаб чиқарилган “Док-1 Макс” сиропини истеъмол қилиш ортидан Ўзбекистонда 20 дан ортиқ бола вафот этгани айтилган эди. Январь бошларида Marion Биотеч Пвт. Ltd компаниясининг лицензияси тўхтатиб қўйилган. Marion Биотеч асосчилари Ноида заводида ҳар хил турдаги дори-дармонларни ишлаб чиқариш учун иккита: Форм 25 ва Форм 28 лицензияларига эга бўлган.
Изоҳ (0)