Татаристоннинг Қозон шаҳрига ишлаш учун борган ўзбекистонлик фуқаролар саккиз ойдан буён ойлик маошсиз мажбурий меҳнатга жалб қилингани ва яшаш жойисиз қолгани ҳақида видеомурожаатлар тарқалди. Ташқи меҳнат миграцияси агентлиги ҳолат юзасидан маълумот берди.
Мазкур ҳолат мамлакатнинг Қозон шаҳридаги бош консулхонаси ва Ташқи меҳнат миграцияси агентлигининг Уфа шаҳридаги вакили томонидан назоратга олинган. Ҳолат бўйича иш берувчи билан суҳбатлашилганда мазкур фуқаролар, ҳақиқатан, Қозон шаҳридаги қурилиш объектида ишлагани, иш ҳақини тўлиқ олгани, фуқаролик паспортини олиб қўймагани, яшаш манзилига пул жўнатиб тургани, фақатгина охирги 11 кунлик иш ҳақи берилмаганини маълум қилди.
Видеомурожаат қилган фуқаролар огоҳлантирмасдан иш жойини тарк этгани сабабли 11 кунлик иш ҳақини беришда муаммо пайдо бўлганини айтди. Айни вақтда видеомурожаат йўллаганлар Ўзбекистонга қайтиб келмоқда.
Изоҳ (0)