Наманган вилоятида ер олди-сотдиси билан боғлиқ жиноят фош этилди, деб хабар беради Бош прокуратура матбуот хизмати.
Маълум қилинишича, фуқаро А.Н.нинг Бош прокуратура ҳузуридаги департаментнинг Учқўрғон тумани бўлимига қилган мурожаатига асосан, туман прокуратураси билан ҳамкорликда тезкор тадбир ўтказилган.
Тадбир давомида И.И. Учқўрғон туман ҳудудидан туман ҳокимининг 2019 йилдаги қарори билан иссиқхона ташкил этиш учун ижара ҳуқуқи асосида ажратилган 0,70 гектар суғориладиган экин ер майдонини 70 минг долларга сотишга келишиб, келишилган пулдан 10 минг долларини ариза муаллифидан фирибгарлик йўли билан олаётган вақтида ашёвий далиллар билан ушланган.
Мазкур ҳолат юзасидан Жиноят кодексининг 25, 168-моддаси (фирибгарлик) 4-қисми “а” банди билан жиноят иши қўзғатилиб, дастлабки тергов ҳаракатлари олиб боришга киришилган.
Ноқонуний ер савдолари
Бир неча кун олдин Сирдарёда беш гектар ер майдонини 40 минг АҚШ долларига сотишга уринган опа-ука қўлга олинган эди. Апрель бошларида эса Навоийда 80 гектар ерни 1 миллиард сўмга сотишга уринган шахслар қўлга олингани, Самарқанд ва Фарғонада ноқонуний ер сотиш ҳолатларига чек қўйилгани тўғрисида хабар берилганди. Шунингдек, Қорақалпоғистон Республикаси ва Бухоро вилоятида ер майдонлари савдоси билан боғлиқ фирибгарлик ҳолатлари фош этилганди.
Изоҳ (0)