Тошкент метроси ер усти йўли бекатларига ном берилди

Ҳукумат қарори билан Тошкент метроси ер усти йўли бекатларига ном берилди.

9 август куни имзоланган қарорга кўра, Тошкент метрополитени ер усти метро ҳалқа йўлининг жами 19 та бекатга ном берилди.

 “Дўстлик – Қўйлиқ” йўналиши 1–14 бекатларига:

• 1-бекат — Texnopark;
• 2-бекат — Яшнобод;
• 3-бекат — Тузел;
• 4-бекат — Олмос;
• 5-бекат — Роҳат;
• 6-бекат — Янгиобод;
• 7-бекат — Қўйлиқ;
• 8-бекат — Матонат;
• 9-бекат — Қиёт;
• 10-бекат — Толариқ;
• 11-бекат — Хонобод;
• 12-бекат — Қурувчилар;
• 13-бекат — Турон;
• 14-бекат — Қипчоқ;

“Чилонзор” йўлининг “Олмазор – Сергели” йўналиши 1–5 бекатларига:

• 15-бекат — Чоштепа;
• 16-бекат — Ўзгариш;
• 17-бекат — Сергели;
• 18-бекат — Янгиҳаёт;
• 19-бекат — Чинор.

Тошкент метрополитени ходими Рустам Пўлатов 2021 йил сентябрида янги метро линияларининг рақамланиши вақтинча эканини, атамашунослар бекатлар қурилган жойнинг тарихи, ўтмишини ўрганиб, шунга кўра ном танлашини айтганди.

2023 йилнинг апрелида Тошкент ер усти метросининг “Дўстлик—Қўйлиқ” ва “Олмазор—Сергели” йўналишларидаги 19 та бекатга қандай ном бериш бўйича жамоатчилик муҳокамаси ўтказилди. Жамоатчилик фикрини йиғиш ва овозга қўйиш учун пойтахт ҳокимлигининг махсус веб-саҳифаси ишга туширилди.

Тошкент шаҳар ҳокимлиги Транспорт вазирлиги ҳузуридаги таниқли олимлар, тарихчилар, филологлар, топонимистлар ва бошқа соҳа мутахассис-экспертлари, шунингдек, ОАВ вакиллари, блогерлардан иборат Ишчи гуруҳ “Географик объектларнинг номлари тўғрисида”ги қонун талаблари асосида ҳамда давлат тилида топонимлар ёзилишининг белгиланган қоидаларига мувофиқ, келиб тушган таклифлардан ҳар бир бекат учун энг мос номни танлаб олганини маълум қилганди.