Иордания бу мавсумда учинчи қироллик тўйини нишонламоқда. Бу сафар қирол Абдулла II нинг фарзандларидан бири эмас, жияни турмуш қурмоқда.
Ёзнинг биринчи кунида бўлажак қирол валиаҳд шаҳзода Ҳусайн уйланди. Ушбу маросимга бутун дунёдан машҳур меҳмонлар келишди. 12 май куни эса унинг синглиси малика Имон турмушга чиқди.
Қирол Абдулла II нинг жияни Талал Ал Солиҳ Дана Сишанга уйланди. Жуфтлик ноябрь ойи охирида унаштирилганликларини эълон қилди, орадан бир неча ҳафта ўтгач, унаштириш маросими ўтказилиб, куёв омма олдида келиннинг бармоғига узук тақди. Дарвоқе, унинг акаси Абдул ҳам тахминан худди шу пайтда унаштирилган.
Дана никоҳ маросимида қаймоқрангли либос кийган, унинг этак қисми патлар билан безатилган. У маросим учун кумушрангли оёқ кийим танлаган. Шунингдек, Дана сарғиш ва олтин рангдаги хонада бинафшаранг костюм кийган бўлажак қайнонаси 66 ёшли малика Алиянинг ёнида туриб суратга тушган. Дананинг онаси ўртача узунликдаги қора кўйлак кийган.
Талал Ал Солиҳ — малика Алия бинт Ҳусайн ва Сайид Муҳаммад Ал Солиҳнинг ўғли.
Талал ва Дана никоҳ маросимини ёзда ўтказишди. Малика Алия бинт Ал Ҳусайн ижтимоий тармоқлардаги саҳифасига қариндошларининг иштирокидаги маросимдан бир нечта фотосуратлар, жумладан, оқ кўйлак кийган келиннинг меҳмонлар билан гаплашаётганда яхши кайфиятда бўлгани акс этган суратларини жойлаштирган.
Бошқа суратда малика Ражва Ал Ҳусайн оч пушти рангдаги Paco Rabanne (қиймати 1 100 доллар) либосида ўзининг турмуш ўртоғи, валиаҳд шаҳзода Ҳусайн бин Абдуллоҳ II билан тургани акс этган.
Қироллик оиласи аъзолари байрам шарафига кечки зиёфат уюштирган, чунки айрим суратларда янги турмуш қурган жуфтликлар ва уларнинг меҳмонлари бошқача услубда кийинган (худди шундай ҳолатни Иорданиянинг бўлажак қироли ва маликаси маросимида ҳам кузатиш мумкин эди). Суратда Ражва ҳам, Ҳусайн ҳам қора рангда бутунлай ўзгарганини кўриш мумкин.
Изоҳ (0)