Россия 2022 йилда Украинага қарши урушга жўнатилган десантчиларнинг камида ярмини йўқотди. Гап 15 мингга яқин аскар ҳақида кетмоқда. Бу ҳақда Британия Мудофаа вазирлиги Twitterъда маълум қилди.
Британия разведкаси 2 август куни Россия Ҳаво-десант кучлари (ВDV) кунини нишонлаш пайтида Россиянинг урушдаги йирик йўқотишлари ҳақидаги маълумотлар рухсатсиз ошкор қилинганлигини эслатди.
Россия Ҳаво-десант қўшинлари бош қўмондони, генерал-полковник Михаил Теплинский мурожаатида 8500 десантчи яраланганини ва кейинчалик хизматга қайтганини, улар умуман фронтни тарк этишдан бош тортганини айтди.
Ушбу видео тезда Россия Мудофаа вазирлигининг расмий каналларидан олиб ташланди. Шу билан бирга, Теплинский Украинада қанча россиялик парашютчи ҳалок бўлганлиги ёки оғир яралангани ҳақида маълумот бермаган.
“Аммо Теплинский маълумотларининг экстраполяцияси 2022 йилда Украинага юборилган 30 минг десантчининг камида 50 фоизи ҳалок бўлган ёки яраланган деган тахминни тасдиқлайди”, — деди разведка агентлиги.
Изоҳ (0)