Америка президенти Жо Байденнинг ўғли Хантер Байден Калифорнияда ижарага олган уйини қаровсиз ҳолга ташлаб қўйгани ҳамда уй эгасидан 80 минг долларга яқин қарздор экани маълум бўлди.
Маҳаллий матбуотнинг ёзишича, Хантер Байден уйни эгасига даҳшатли ҳолатда қолдирган.
Ижара нархи ойига тахминан 20 минг долларни ташкил этган. Байденнинг ўғли икки ойлик ижара ҳақини тўлаган, холос.
Тhe Daily Mail манбасининг таъкидлашича, Хантер ва унинг рафиқаси Мелис “ёмон ижарачи” сифатида ном чиқаришди. Улар нафақат 80 минг доллар қарзни тўлашмаяпти, балки стерео ускунани бузиб қўйиб, таъмирлашдан бош тортишмоқда.
Журналистларга кўра, уч қаватли уй ресторанлар тармоғи бош директори ва асосчиси Жонатан Неманга тегишли бўлган. Кичик Байден кўчиб кетганидан сўнг, тадбиркор уйни таъмирлаш учун ишчи ёллашга мажбур бўлди. Кейин уйни қарийб тўрт миллион долларга сотди.
Июль ойи бошида Хантер Байденнинг шахсий фотосуратлари АҚШда турли муҳокамаларга сабаб бўлди. Суратларда президентнинг ўғли машина бошқараётганда, шунингдек, Лас-Вегасга катта тезликда машина ҳайдаб кетаётганда гиёҳванд моддаларни истеъмол қилаётгани акс этганди.
Изоҳ (0)