Грузиянинг Рача тоғли ҳудудидаги Шови курортида қутқарувчилар кўчки оқибатида ҳалок бўлган етти кишининг жасадини топди. Бу ҳақда табиий офат ҳудудига жўнаб кетган Грузия бош вазири Ираклий Гарибашвили айтиб ўтди.
Курортга кўчки 3 август куни кечқурун ёпирилган. У ерда жойлашган “Сансет Шови” меҳмонхонасининг маълум қилишича, кўчки дарё сувлари ўзанидан тошиб кетганидан кейин содир бўлган. Лойқа массалар меҳмонхона ҳовлисини ва яқин атрофдаги бир нечта биноларни қоплаган.
Сўнгги маълумотларга кўра, офат ҳудудидан 200 дан ортиқ одам олиб чиқилган. Яна 35 киши расмийлар билан алоқага чиқмаяпти.
Қидирув-қутқарув ишларига 400 нафар ўт ўчирувчи ва Ички ишлар вазирлиги ходимлари, иккита вертолёт, кинологлар ва махсус техника жалб этилган. Гарибошвилининг сўзларига кўра, қидирувга ҳарбийлар ҳам жалб қилинади. Маҳаллий аҳоли ҳам қидирувда қатнашишга рухсат талаб қилмоқда.
.jpg)
7 август Грузияда мотам куни деб эълон қилинади.
Изоҳ (0)