Нигерия армияси исёнчилар ҳокимиятни қўлга киритган Нигерга жўнатилиши мумкинлигини инобатга олиб, жанговар шай ҳолатга келтирилди, бироқ сафарбарликни бошлаш ҳақидаги буйруқ ҳали олинмади, деб хабар берди Wall Street Journal нигериялик ҳарбий офицерга таяниб.
“Мобилизация ҳали бошланмаган, бироқ Нигерга юборилиши мумкинлиги инобатга олиниб, армияга тўлиқ шай ҳолатда бўлиш буюрилган”, — дейилади нашр хабарида.
Олдинроқ Ғарбий Африка Давлатлари Иқтисодий Ҳамжамияти (ECOWAS) давлат тўнтариши содир бўлган Нигерга ҳарбий аралашув кўриб чиқилаётган вариантлар ичида энг охиргиси эканлиги, аммо бунга тайёргарлик кўриш зарурлигини айтган.
ECOWAS делегацияси жума куни тўнтариш раҳбари генерал Абдураҳмон Тчиани билан учрашмасдан Нигерни тарк этди.
Ўз навбатида, Нигерда ҳокимиятни қўлга олган исёнчилар ECOWAS’нинг ҳар қандай тажовузига дарҳол жавоб беришларини маълум қилишди.
Изоҳ (0)