NASA техник сабабларга кўра алоқани йўқотган сайёралараро Voyager-2 зондидан тасодифан “ҳаёт сигналини” қабул қилди. Бу ҳақда Smithsonian magazine нашри хабар берди.
Агентлик зонд билан алоқани тикламаган бўлса-да, унинг узатувчи ускунасидан келиб тушган сигнал аппарат узоқ коинотда ҳамон ишлаётганидан далолат беради.
21 июль куни NASA томонидан Voyager-2 космик аппаратига юборилган бир қатор буйруқлар жавобсиз қолганди. Бунга аппарат антеннасининг Ердан 2 даражага силжиши сабаб бўлган. Оқибатда Voyager-2 буйруқларни қабул қилолмай, Ерга эса маълумотларни узатолмай қолган.
Ҳозирча Voyager-2 дан умид узилгани йўқ — ускуна йилига бир неча марта ўз йўналишини ўзгартиришга дастурлаштирилган, кейинги ўзгариш октябрга режалаштирилган. Бу алоқани давом эттиришга имкон бериши мумкин, аммо NASA зонд эътиборини жалб қилиш учун ундан олдин сигналларни юборишни режалаштирмоқда.
- Voyager-1 зонди ва унинг “эгизак укаси” Voyager-2 1977 йилда узоқ фазо ва қуёш тизимининг асосий сайёраларини ўрганиш учун учирилган эди.
- Уларнинг режалаштирилган фаолият муддати аллақачон тугаган бўлса-да, аппаратлар юлдузлараро фазо ҳақида маълумот тўплаш ва Ерга узатишда давом этмоқда.
Изоҳ (0)