Украина президенти Владимир Зеленский Россияни озиқ-овқат бозорини барбод қилишга уринаётганликда айблади. Бу ҳақда у Telegram’даги видеомурожаатида маълум қилди.
“Москва глобал фалокатни юзага келтирмоқда. Улар ақлдан озган ҳолда, жаҳон озиқ-овқат бозорларининг қулашини кутмоқда, уларга нарх инқирози, таъминотдаги узилишлар керак ”, — деди Зеленский.
2 август куни Россия зарбаларидан сўнг Одессадаги порт инфратузилмасида ёнғинлар юзага келгани ҳақида хабар берилди. Вилоят ҳудудий ҳарбий бошқармаси бошлиғи Олег Кипер портлашлардан сўнг саноат ва порт инфратузилмаси объектларида ёнғин келиб чиққани, лифт шикастланганини маълум қилди.
Украина Қуролли кучларининг “Жануб” оператив қўмондонлиги матбуот котиби Наталья Гуменюк Украина армиясида Россиянинг Одессадаги дон инфратузилмасига уюштираётган ҳужумларини қайтариш учун етарлича ҳаво ҳужумидан мудофаа тизимлари йўқлигини айтиб ўтганди.
Bloomberg Одесса вилоятига ҳужумдан кейин буғдой нархи 6,84 долларга кўтарилганини маълум қилди.
Изоҳ (0)