Хитой ҳукумати жосусликка қарши курашиш ҳақидаги қонунни кучайтирди ва фуқароларни контрразведка ишига қўшилишга чақирди, деб ёзмоқда Daily Mail нашри.
Хабарга кўра, Хитой Давлат хавфсизлик вазирлиги фуқароларни шубҳали шахслар ва уларнинг фаолияти ҳақидаги маълумотларни махсус каналлар орқали узатишга чақирган ҳамда бундай маълумотлар учун мукофот ваъда қилган.
Газетанинг қайд этишича, Хитойнинг бундай сиёсати АҚШда хавотир уйғотмоқда. Америка расмийлари бундай шароитда Хитойдаги хорижий тижорий компаниялар зарар кўриши мумкинлигини таъкидлади.
“Шубҳасиз, фуқароларнинг бирин-кетин жосусликка даъват этилиши катта ташвиш уйғотади”, — деди АҚШ Давлат департаменти матбуот котиби Мэтт Миллер.
Аввалроқ АҚШ Хитой Кубада камида 2019 йилдан бери жосуслик базасига эга экани ҳақида маълум қилганди. База Пекиннинг бутун дунё бўйлаб, биринчи навбатда, АҚШдан разведка маълумотларини йиғиш учун яратилган.
Изоҳ (0)