АҚШ Конгресси Вакиллар палатаси мудофаа бюджети тўғрисидаги қонун лойиҳасига Греция оролларида АҚШ ҳарбий базаларини жойлаштириш имкониятини кўриб чиқишга чақирувчи тузатишни қабул қилди. Бу ҳақда Гресиянинг Parapolitika газетаси хабар берди.
Тузатиш мудофаа вазири ва давлат котибини Грециядаги АҚШ ҳарбий иштирокини кенгайтириш учун мавжуд имкониятларни биргаликда ўрганишга чақиради, деб ёзади нашр. Сенат аллақачон ўз қонун лойиҳасини овозга қўйган ва ҳозирда икки қонун чиқарувчи орган президент Жо Байденга юбориладиган якуний матнни шакллантириш бўйича иш олиб бормоқда.
Нашрнинг қайд этишича, Вакиллар палатасининг тузатишига кўра, ҳисобот якуний қонун лойиҳаси имзолангандан кейин икки ой ичида тақдим этилиши керак.
Ҳисоботда, жумладан, қуйидаги маълумотлар бўлиши керак:
- қўшимча базалар яратиш ёки Греция оролларида АҚШ ҳарбий иштирокини кенгайтириш имкониятлари таҳлили;
- АҚШ ва Греция ўртасидаги мудофаа бўйича ҳамкорлик тўғрисидаги янгиланган битим (МDCА) доирасида Қўшма Штатларга берилган асосий ҳуқуқларнинг тавсифи;
- МDCА’га киритилган базаларда АҚШ фаолияти ва киритиладиган инвестицияларининг тавсифи;
- 2021 йилги АҚШ—Греция мудофаа ва парламентлараро шериклик тўғрисидаги қонун талабига биноан хавфсизлик соҳасидаги ҳамкорлик ҳолатини баҳолаш.
Грестия ва АҚШ 2019 йил октябрь ойида 1990 йилда тузилган мудофаа соҳасида ўзаро ҳамкорлик тўғрисидаги битимга ўзгартиришлар киритди. Ҳужжатда Крит оролидаги Соуда кўрфазидаги АҚШ ҳарбий-денгиз базасини кенгайтириш, Лариса шаҳри яқинидаги ҳарбий-ҳаво кучлари базаси, Стефановикиодаги армия авиация базаси ва шимоли-шарқдаги Александруполис портидан фойдаланиш ҳақида сўз боради.
Шунингдек, Греция ҳудудидаги бошқа ҳар қандай ҳарбий объектдан унинг розилиги билан фойдаланиш имконияти ҳам назарда тутилган.
Изоҳ (0)