Zelenskiy Rossiyani global falokatni yuzaga keltirishda aybladi

Ukraina prezidenti Vladimir Zelenskiy Rossiyani oziq-ovqat bozorini barbod qilishga urinayotganlikda aybladi. Bu haqda u Telegram’dagi videomurojaatida ma’lum qildi.

“Moskva global falokatni yuzaga keltirmoqda. Ular aqldan ozgan holda, jahon oziq-ovqat bozorlarining qulashini kutmoqda, ularga narx inqirozi, ta’minotdagi uzilishlar kerak ”, — dedi Zelenskiy.

2-avgust kuni Rossiya zarbalaridan so‘ng Odessadagi port infratuzilmasida yong‘inlar yuzaga kelgani haqida xabar berildi. Viloyat hududiy harbiy boshqarmasi boshlig‘i Oleg Kiper portlashlardan so‘ng sanoat va port infratuzilmasi obyektlarida yong‘in kelib chiqqani, lift shikastlanganini ma’lum qildi.

Ukraina Qurolli kuchlarining “Janub” operativ qo‘mondonligi matbuot kotibi Natalya Gumenyuk Ukraina armiyasida Rossiyaning Odessadagi don infratuzilmasiga uyushtirayotgan hujumlarini qaytarish uchun yetarlicha havo hujumidan mudofaa tizimlari yo‘qligini aytib o‘tgandi.

Bloomberg Odessa viloyatiga hujumdan keyin bug‘doy narxi 6,84 dollarga ko‘tarilganini ma’lum qildi.